Kryeministri Benjamin Netanjahu (Netanyahu) është zotuar se Izraeli do të qëndrojë i vetëm dhe do të “luftojë me thonj” në kundërshtim me kërcënimet e SHBA për të kufizuar më tej dërgesat e armëve nëse vazhdohej ofensiva në qytetin jugor të Gazës, Rafah.
“Nëse duhet të qëndrojmë vetëm, do të qëndrojmë vetëm. Nëse duhet, do të luftojmë me thonjtë tanë. Por ne kemi shumë më tepër se thonjtë”, tha Netanjahu.
Ai vuri në dukje se Izraeli po i afrohej 76 vjetorit të pavarësisë së tij, për të cilën duhej të luftonte. “Ne nuk kishim armë. Kishte një embargo armësh ndaj Izraelit, por me forcë të madhe shpirti, heroizëm dhe unitet mes nesh – ne ishim fitimtarë “, tha ai, duke iu referuar luftës së vitit 1948 .
Një ditë më parë delegacionet izraelite dhe të Hamasit u larguan nga negociatat për armëpushimin në Kajro.
Hamasi tha se “topi tani është plotësisht” në duart e Izraelit, ndërsa Izraeli ka pohuar se versioni i Hamasit i një marrëveshjeje ishte shumë larg kërkesave të tij.
Dështimi për të arritur një marrëveshje në raundin e takimeve të kësaj jave ngriti frikën për një sulm të afërt izraelit në Rafah.
Netanyahu u duk se nuk e pranoi një paralajmërim publik nga presidenti amerikan, Xho Bajden (Joe Biden), një natë më parë se nëse Forcat e Mbrojtjes të Izraelit (IDF) do të nisnin një ofensivë të madhe në qytet, SHBA nuk do të siguronte bomba dhe predha artilerie për të mbështetur operacionin.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.