Kërkoi heqjen e sekuestros, Apeli i GJKKO rrëzon kërkesën e Kryemadhit, nuk i kthehet telefoni
822571b3fe2d44f6adf6a32c6bc1af22
Gjykata e Apelit të Posaçëm ka rrëzuar kërkesën e Monika Kryemadhit për heqjen e sekuestros së një telefoni.
Në njoftim thuhet se, Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Igerta Hysi, sot më 04.01.2024, ora 09:30, shpalli vendimin mbi çështjen penale nr. 189 akti, datë 27.12.2023 regjistrimi, regjistruar mbi ankimin e ankueses M.K., me objekt: “Ankim ndaj vendimit nr. 481, datë 07.12.2023 të Gjykatës së Posaçme të Shkallës së Parë, që ka rrëzuar kërkesën e shtetases M.K. për heqjen e sekuestros dhe kthimin e sendit të sekuestruar (telefon i markës Iphone)”, dhe vendosi:-Miratimin e vendimit nr. 481, datë 07.12.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
