Këshilli  Bashkiak  për ish-konviktin / Diskutime jashtë rendit të  ditës

Mbledhja e Këshillit Bashkiak Shkodër u pasua me diskutime  jashtë rendit të ditës lidhur me problemin e  ish-konviktit “Safet Spahiu”, që pritet t’i kalohet shoqërisë aksionere të Ujësjellës – Kanalizimeve .

Këshilltari   Florian Bjanku  kërkoi sqarime lidhur me arsyen e mos dhënies me të drejtë parablerje pronarit të vjetër të truallit , bazuar në ligjin për Kthimin dhe Kompensimin e Pronave. Njëkohësisht, Bjanku  theksoi se ndërtesës  i është ndryshuar destinacioni, ndaj duhet marrë në konsideratë pretendimi i familjes Shiroka.

Lidhur me çështjen e ngritur, Kryetari i Këshillit Bashkiak ,Oltion Luli, kërkoi  nga këshilltari Bjanku që të ushtronte tagrin si anëtar i komisionit të çështjeve ligjore për të dhënë  rekomandimet  përkatëse.   

Përfaqësuesja e zyrës juridike pranë Bashkisë Shkodër, Brikena  Mjeda, u shpreh  se nuk jemi në kushtet e shqyrtimit të kërkesë së pronarit të truallit, pasi bashkia nuk ka hequr dorë nga kjo pronë.