KF Shiroka nis stërvitjen, trajneri Axhani: Objektivi i parë kategoria e dytë, Superliga ëndërr!
Kampionati Kombëtar i futbollit për kategorinë e tretë, këtë edicion 2024-2025 do të ketë në gjirin e tij edhe skuadrën më të re, Klubin e Futbollit Shiroka.
Skuadra në fjalë ka zhvilluar mbrëmjen e së martës seancën e parë stërvitore, ku të pranishëm kanë qënë pjesëtarët e bordit drejtues me në krye presidentin Ergi Axhani, i cili në takimin e organizuar përpara fillimit të stërvitjes ka përgëzuar futbollistët dhe stafin që iu bashkuan projektit të tij.
Më pas, trajneri Fatmir Axhani dhe kolegu i tij Valmir Kurti kanë folur për mediat e pranishme.
Sa i përket kontigjentit të skuadrës, deri në startin e kampionatit që nis në muajin tetor, klubi i futbollit Shiroka, pritet të përforcohet edhe me lojtar të tjerë cilësor, nga brenda dhe jashtë vendit.
