Kili mposht Shqipërinë/Një ndeshje për tu harruar për kuqezinjtë

Kombëtarja shqiptare e futbollit u mposht këtë të premte 0-3 nga Kili, në miqësoren e zhvilluar në stadiumin “Ennio Tardini” të Parmës në Itali. Kuqezinjtë u dukën të pafuqishëm përballë amerikano-latinëve, me ndeshjen që ishte e para mes dy skuadrave në histori dhe foli për djemtë e Ricardo Gareca.
Ndeshja u zhbllokua pas vetëm 20 minutave lojë nga Edu Vargas, me tanët që kontenstuan golin për prekje të topit me dorë, por kryesori italian Luca Pairetto e cilësoi të rregullt.
Edhe pjesa e dytë foli për miqtë, që shënuan në fundin e lojës. Bolados, vetëm pak sekonda në fushë si zëvendësues i Sanchez shënoi në të 84 minutë. Më pas ishte Davilla në shtesën e dytë që “vulosi” ndeshjen në 0-3.
Për t’u evidentuar edhe një rast i pastër i humbur nga Armando Broja që s’u koordinua si duhet në zonë.
Në kete sfidën stadiumi në Parma u mbush me kuqezinj, teksa tifozët nuk e braktisën ekipin dhe ishin më shumë se 13 mijë kuqezi në mbështetje të djemve në fushë, duke dhuruar një atmosferë të zjarrtë.
Prova e parë gjenerale e Euro 2024 rezultoi jo e duhura për tanët, që vetëm pas tre ditësh do luajnë kundër Suedisë në Stockholm.