Kim Kardashian në stadium? Tifozët e Arsenalit, të shqetësuar
Pse Kim Kardashian është e lidhur në rrjetet sociale me Arsenalin, që luan këtë mbrëmje kundër Bayern në ndeshjen e parë çerekfinale të Champions League? Arsyeja lidhet me bestytninë. Biznesmenja, aktorja dhe modelja njoftoi prezencën e saj në Emirates Stadium për ndeshjen kundër gjermanëve, por pikërisht për këtë arsye tifozët e Arsenalit janë të shqetësuar dhe kujtojnë një precedent fatkeq, lidhur me prezencën e saj gjatë ndeshjes së humbur ndaj Sportingut vitin e kaluar që rezultoi në daljen e tyre nga Europa League.
“Dikush ta ndalë”, “Kemi mbaruar së ëndërruari”, janë disa nga mesazhet e përsëritura. Megjithatë, tifozët e Arsenalit për të njëjtën arsye, lavdërojnë Rihannën, e cila, rastësisht, ishte e pranishme në vitin 2018 kur Arsenali mposhti Evertonin 5-1 në ligë. Me pak fjalë, ja përmbledhja e lidhjes mes Arsenalit dhe Kim Kardashian. Është përfolur në rrjetet sociale dhe lajmin e raportojnë të gjitha tabloidet angleze. Të gjithë, në pritje të vendimit të fushës.
