Kina i ka ofruar ndihmë Tajvanit pas tërmetit të fortë që goditi ishullin.
Tërmeti shkaktoi dëme të shumta në ndërtesa dhe plagosi një numër njerëzish në ishullin, i cili ka më shumë se 23 milionë banorë.
Zëdhënësja e Byrosë së Çështjeve të Tajvanit, Zhu Fenglian tha se ”autoritetet në Pekin ishin shumë të shqetësuara për situatën”.
”Kina po monitoron situatën dhe është e gatshme të ofrojë ndihmë për fatkeqësitë”, shtoi ajo.
Tajvani ka një qeveri të pavarur që nga viti 1949, por Kina e konsideron demokracinë vetëqeverisëse pjesë të territorit të saj.
Sipas shifrave zyrtare, të paktën shtatë persona kanë vdekur dhe rreth 700 janë plagosur si pasojë e tërmetit të fortë në brigjet e Tajvanit.
Një tërmet me magnitudë 7,2 ballë Rihter goditi ishullin në një thellësi prej 15,5 kilometrash, sipas Administratës Qendrore të Motit të Tajvanit (CWA).
Epiqendra ishte rreth 25 kilometra në juglindje të Hualien në Tajvanin lindor.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.