Kina, stërvitje ushtarake përballë Tajvanit-Reagon Tajpei, SHBA patrullon zonën
Kina po zhvillon stërvitje ushtarake në brigjet e provincës së saj jugore Fujian përballë Tajvanit, vetëm një javë pas një stërvitje në ajër dhe det.
Nga ana e tij, presidenti i Tajvanit ka dënuar stërvitjet ushtarake të Pekinit që refuzon sovranitetin e vendit.
Stërvitjet me zjarr të drejtpërdrejtë po mbahen pranë ishujve Pingtan pranë provincës Fujian nga ora 9 e mëngjesit deri në 13:00, sipas një njoftimi nga Administrata e Sigurisë Detare.
Ministria e Mbrojtjes së Tajvanit ka bërë të ditur se stërvitjet e Kinës janë pjesë e axhendës së saj.
“Nuk përjashtohet që është një nga mënyrat për të zgjeruar efektin parandalues në përputhje me dinamikën në ngushticën e Tajvanit”, thuhet në deklaratën e Ministrisë së Mbrojtjes.
Javën e kaluar, Kina zhvilloi një stërvitje ushtarake njëditore që synonte praktikimin e “mbylljes së porteve dhe zonave kryesore”.
Tajvani numëroi një total rekord njëditor prej 153 avionësh, 14 anije të marinës dhe 12 anije të qeverisë kineze.
Në përgjigje të lëvizjeve kineze, SHBA-ja ka vijon të patrullojë përmes ngushticës së Tajvanit.
Të dielën, shkatërruesi USS Higgins dhe fregata kanadeze HMCS Vancouver kaluan tranzit në brezin e ngushtë të Oqeanit që ndan Kinën dhe Tajvanin.
