“Klub 5”/Sociologu Gëzim Tushe: Shikoni brenda vetes, bëhuni ekspert në punën tuaj

Në studion  e ‘’Klub 5’’, në Radio Tirana nga ora 05:00-08:00  me moderatorët  Florian Zyka dhe Erion Korini, ishte në lidhje direkt me studion sociologu i njohur Gëzim Tushi i cili iu përgjigj pyetjeve që prekin çdo të rritur. Marrëdhëniet  ne familje, punë, mjedisi toksik, konkurrenca, lidershipi, si të përballemi dhe të fitojmë.

‘‘Puna dhe familja janë fondamentale’’, theksoi sociologu Tushi, “Transportojnë  situatat e familjes në vendin e punës dhe anasjelltas’’.  

I pyetur se a duhet të ruajmë  vijën ndarëse? Sociologu Tushi  ndalet  te  specifikat. ‘’Familja është institucion privat, puna është institucion publik’’. Askush  ose pak kush, arrin  të mos shkarkojnë  pozitivitetin apo energjinë negative të akumuluar në familje, në punë dhe e kundërta.

Në vendin e punës mund të ndodhin të gjitha?

Zoti Tushi  u shpreh: ‘’Mendoj se  për shkak të individualizimit gjithnjë e më të theksuar,  pak miqësi të sinqerta mund të krijohen, shumica janë të shtirura, hipokrizira”. Në punë  ka njohje, deri në “flirte” po në punë  krijohen lidhje paralele, puna  lidh  njerëzit deri në martesë.  Gjithçka mund të ndodhë”.

Moderatori Florian Zyka  solli për diskutim me sociologun e njohur Gëzim Tushi,  përballjen e të sapo punësuarve me ambientin toksik. Të largohen apo të  durojnë? Zoti Gëzim si sociolog  e njohës i mirë i realitetit nënvizoi faktorët që e bëjnë ambientin toksik.  

“Lidershipi është  faktori që krijon klimën. Kur lidershpi është  kontrollues, autoritar, komunikimi i tij nuk ka element human, mjedisi në punë , bëhet  i mërzitshëm. Ngrihesh i lodhur dhe pse  sapo je zgjuar‘’, tha sociologu Gëzim Tusha.

Së dyti vazhdoi sociologu Tushi: “Të numërojë faktorët toksik, ka bullizim të  brendshëm. Dikush   që nuk ka rezultate, ose nuk performon si të tjerët, bëhet objekt për bullizim. Thashethemet, shtirja, hipokrizia ndikojnë  në aciditet helmues.”

“Jetojmë në  kohë moderne,  secili ka instrumente të gatshëm për të ikur nga situata të padëshirueshme. Individualizmi ekstrem, gara e fortë, karriera, krijojnë nervozizëm  deri në depresion. Forconi rezistencën e brendshme, vetëm kështu mund të zbusni goditjet që vijnë nga jashtë”, këshilloi sociologu Gëzim Tushi. Duke  përfunduar me një mesazh bisedën e tij në emsionin “Klubi 5” .

‘’Shikoni brenda vetes, bëhuni ekspert në punën tuaj”.