EUROPOL dhe Policia Kombëtare e Spanjës, me kontributin e Policisë së Shtetit shqiptar, kanë finalizuar operacionin antidrogë “La Pampa”. Falë këtij aksioni me qëllim goditjen e trafikut të drogës nga Ekuadori drejt BE-së, janë arrestuar 31 persona, sekuestrimin e 25 automjeteve, 10 armëve, pajisjeve elektronike me vlerë rreth 13 milionë euro, rreth 3 milionë cash në valuta të ndryshme dhe pasuri të sekuestruara me një vlerë totale prej rreth 48 milionë euro.
31 të arrestuarit, përfshi drejtues të rrjetit kriminal, importonin dërgesa të mëdha kokaine në BE nëpërmjet kompanive ekuadoriane të frutave.
“Prona me vlerë 48 milionë euro të ngrira pas fshirjes së kokainës në Ekuador dhe Spanjë.
Hetimi i përbashkët çoi në 31 arrestime, duke përfshirë drejtues të rrjetit kriminal që importonin dërgesa të mëdha kokaine në BE nëpërmjet kompanive ekuadoriane të frutave.
Një hetim i udhëhequr nga Spanja që përfshin Ekuadorin dhe i mbështetur nga Europol, ka rezultuar në një goditje të madhe në një rrjet të trafikut të drogës me rrezik të lartë që furnizonte kokainë në BE. Për të mbështetur aktivitetet në terren në ditën e aksionit, Europol vendosi dyekspertë të qendrave koordinuese të ngritura në Marbella, Spanjë dhe Quito, Ekuador”, thuhet në njoftimin e EUROPOL.
Në lidhje me këtë aksion, ka reaguar dhe Ministri i Brendshëm Taulant Balla i cili shprehet se bashkëpunimi me EUROPOL dhe INTERPOL, është tregues i qartë i besueshmërisë dhe profesionalizmit të Policisë së Shtetit.
“Sapo kam marrë përgëzimet për kontributin e Policisë së Shtetit🇦🇱👮♀️👮 dhe të SPAK, në realizimin me sukses te operacionit La Pampa, nën koordinimin e EUROPOL dhe zbatimin nga Policia Kombëtare spanjolle, i cili çoi në goditjen një rrjeti të rëndësishëm të trafikut të drogës nga Ekuadori drejt BE-së. Ky operacion ndërkombëtar shënoi: 31 arrestime, në Spanjë dhe Ekuador, sekuestrimin e 25 automjeteve, 10 armë zjarri, pajisje elektronike me vlerë rreth 13 milionë euro dhe afro 3 milionë cash në valuta të ndryshme dhe pasuri të sekuestruara me një vlerë totale prej rreth 48 milionë euro.
Bashkëpunimi gjithmonë më i fortë dhe suksesshëm me agjencitë e bashkëpunimit policor, EUROPOL dhe INTERPOL, është tregues i qartë i besueshmërisë dhe profesionalizmit të Policisë së Shtetit, cilësi tashmë të njohura dhe të vlerësuara edhe nga këto organizata partnere”, tha ai.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.