Rektorja e Kolegjit të Evropës, Federica Mogherini, tha të hënën në Tiranë se Kolegji i Evropës do të nisë aktivitetin vitin e ardhshëm. Në ceremoninë e organizuar për përurimin e Kolegjit të Evropës, në kuadër të Samitit të Procesit të Berlinit, Mogherini tha se “po përurojmë zyrën e parë të Kolegjit të Evropës që do të udhëheqë rrugën për ngritjen e degës sonë, që do të nisë aktivitetin shtatorin e ardhshëm 2024- 2025″.
“Do të doja të falënderoj ata që bënë të mundur një gjë të tillë, miqtë e partnerët tanë shqiptarë, Kryeministrin Edi Rama, qeverinë, kryetarin e bashkisë të gjithë miqtë që për pak muaj kanë bërë të mundur këtë gjë dhe ato çfarë do vijnë. Pas kësaj zyre do të kemi rezidencën për studentët, klasat dhe objektin për mësimdhënie”, tha Mogherini.
Ajo falënderoi edhe Presidenten e Komisionit Evropian, Ursula von der Leyen dhe institucionet evropiane.
“E gjithë kjo nisi më pak se një vit më parë në samitin BE- Ballkani Perëndimor në Tiranë. Për mua është diçka që më bën krenare që institucionet bëhen bashkë për ta bërë një gjë të tillë realitet”, tha Mogherini.
Mogherini u shpreh se “falënderoj kryetarin e bashkisë së Tiranës që do të na mirëpresë ne, studentët e fakultetin tonë në vitet që do vijnë”.
“Ky kolegj do të sjellë studentë nga i gjithë vendi, nga gjithë rajoni e Europa e më tej dhe do të studiojnë si në të gjitha kolegjet e tjera në vende të Evropës. Është një kënaqësi për mua, sepse do të më japë mundësinë të vizitoj rajonin dhe për të ndenjur në këtë vend shumë të bukur”, tha Mogherini.
Kryeministri Edi Rama ka deklaruar nga Elbasani se arsimi profesional është instrumenti i garancisë që…
Ekuinokset ndodhin dy herë në vit, ku dita dhe nata janë afërsisht të njëjtën gjatësi…
Moska vendosi këtë javë të zgjerojë kapacitetet e saj ushtarake, një tregues i mbingarkesës me…
Moti i keq që goditi një pjesë të madhe të rajonit italian të Emilia Romanjas…
Lamine Yamal është në histori me ndeshjen e luajtur kundër Monakos. Sulmuesi i Barcelonës i…
Një lajm i bujshëm vjen nga Franca. Gazeta sportive franceze, “L'Equipe” zbulon se mbrojtësi i…
This website uses cookies.