Koleksioni shqiptar në Budapest – Në Muzeun Etnografik të Hungarisë gjenden 300 bizhuteri dhe veshje shqiptare
Në Muzeun Etnografik të Budapestit ekzistojnë rreth 300 objekte si bizhuteri dhe veshje shqiptare të cilat i janë shitur dikur këtij muzeu nga një tregtar me emrin Paolo Lazza. Për të mësuar më shumë rreth këtij personi, muzeu i Budapestit u vu në kontakt me Muzeun e Fotografisë “Marubi” dhe pas një hulumtimi të përbashkët u arrit të zbulohet se bëhet fjalë për tregtarin shkodran Palokë Laca, pasardhësit e të cilit jetojnë në Shkodër dhe Itali.
Drejtori i “Marubit”, Bedeni, pak ditë më parë zhvilloi një vizitë dyditore në Muzeun Etnografik të Hungarisë ku pau nga afër koleksionin.
300 objektet e shitura dikur nga tregtari shkodran, do të jenë pjesë e një ekspozite e cila pritet të hapet në qershor të këtij viti në “Marubi”.
Gjatë vitit që lamë pas, ishin vetë muzeologët hungarezë ata që vizituan Shkodrën me qëllim hulumtimin më në detaje të figurës së tregtarit shkodran Palokë Laca.
