Kolektori në qendër të Shkodrës – Kryebashkiaku Benet Beci inspekton punimet e nisura prej ditësh

Kryetari i Bashkisë Shkodër, Benet Beci, ka inspektuar nga afër punimet që po kryhen në qendër të qytetit në rikonstruskionin e kolektorit që rezultonte prej vitesh i dalë jashtë funksionit dhe i pa lidhur me pjesën tjetër të këtij kolektori.

Kryebashkiaku Benet Beci është njohur me ecurinë e deritanishme të punimeve, nga inxhinjerët e Bashkisë dhe Ndërmarrjes së Ujësjellës kanalizimeve.

Në intervistën e dhënë për mediat, Kryetari i Bashkisë Benet  Beci u ndal tek domosdoshmëria e kësaj ndërhyrjeje e cila zgjidh përmbytjen që shkaktohej në qendër të qytetit dhe pranë pedonales “Kolë Idromeno”.

Gjithashtu, pas përfundimit të ndërhyrjes nëntokësore i gjithë sheshi do të riasfaltohet.

Problematika e kolektorëve në qytetin e Shkodrës po nxjerr në pah çdo ditë, problemet e mbartura, por edhe mungesën e ndërhyrjeve në këto pika të rëndësishme për kullimin dhe largimin e ujërave të shiut nga rrugët e Shkodrës.

 Bashkia Shkodër pas kolektorit të Draçinit ka ndërhyrë edhe në dy zona të tjera të qytetit për sistemimin e tyre duke zgjidhur një nga problemet disa vjeçare të Shkodrës atë të përmbytjes së rrugëve sa herë kishte reshje intensive shiu.