Kolektori në qendër të Shkodrës – Punohet me ritme të shtuara, synohet përfundimi i investimit sa më parë

Ndërhyrja e Shoqërisë Rajonale të Ujësjellës – Kanalizime në kolektorin në qendër të qytetit të Shkodrës dhe Ndërmarjes së Shërbimve dhe Punëve Publike të bashkisë po vijon me një ritëm të lartë.

 Grupet e punës po operojnë edhe në orët e natës me mjete, shprehet kryeinxhinieri i ujësjellësit, Lazër Pema , në mënyrë që të mos bllokohet trafiku rrugor në atë segment të rëndësishëm.

Qëllimi kryesor i këtij angazhimi maksimal është përshpejtimi i punës për ta vënë sa më shpejt në efiçencë të plotë këtë linjë të kolektorit për evadimin e ujrave të bardha në qendër të qytetit të Shkodrës, shprehet kryeinxhinieri Pema

Kjo ndërhyrje e ujesjëllësit në kolektorin, që përfshin zonën qëndrore të Shkodrës, ka një rëndësi të veçantë, sepse eleminon përmbytjet në këtë aks kryesor në rastet e reshjeve të dendura të shiut.

Kjo ndërhyrje në rrjetin nëntoksor po bëhet në një gjatësi afro 200 metër nga fillimi i pedonales “Kolë Idromeno” deri në rrethrrotullimin pranë sheshit “Demokracia” në qendër të qytetit. Eleminimi i përmbytjeve nga reshjet e shiut duke përmirësuar situatën ujëmbledhëse janë fokusi kryesor i kësaj ndërhyrje të Shoqërisë Rajonale të Ujësjellësit dhe Ndërmarrjes së Shërbimeve dhe Punëve Publike të Bashkisë Shkodër.