“Qëllimi i grupit të armatosur që kreu sulmin e 24 shtatorit në veri ishte të krijonte paqëndrueshmëri dhe kaos,” deklaroi komandanti i KFOR-it Anxhelo Mikele Ristuça (o. Angelo Michele Ristuccia ) në takimin e fundit me gazetarët në Prishtinë.
“Ne e dënojmë sulmin ndaj Policisë së Kosovës është absolutisht i papranueshëm. Me siguri qëllimi i sulmuesve ishte që të krijohej paqëndrueshmëri dhe kaos, kjo është e sigurt,” tha ai.
I pyetur se si ka hyrë në Kosovë sasia e madhe e armatimit serb, Komandanti i KFOR-it u shpreh:
“Një hetim është ende në proces për Banjska, është shumë herët të thuhet se nga janë futur këto armë në Kosovë. Gjithsesi, ne jemi të pranishëm në veri të Kosovës si dhe përgjatë kufirit. terreni është kompleks, nuk është aq e lehtë të kontrollosh të gjithë vijën kufitare, por ne po bëjmë maksimumin,” tha Ristuça.
Më tej, komandanti i KFOR-it u shpreh se vetëm një zgjidhje politike mes Kosovës e Serbisë mund të sjellë paqe dhe stabilitet.
“Ne kemi nevojë që të dyja palët të kthehen në tryezën e negociatave. Kjo është arsyeja pse ne mbështesim plotësisht dialogun e lehtësuar nga BE-ja, të mbështetur nga SHBA-të,” tha ai.
Komandanti i KFOR-it deklaroi se ngjarjet e fundit në veri tregojnë se situata mbetet e paqëndrueshme dhe mund të përshkallëzohet lehtë, ndërsa njoftoi edhe vendosjen e forcave ushatarake shtesë nga Rumania.
Anxhelo Mikele Ristuça do të zëvendësohet nga gjenerali turk, Ozkan Ulutash ( Ozkan Ulutash ), i cili do ta marrë zyrarisht detyrën të martën e ardhshme.
DashiTë marrësh një përgjigje të drejtpërdrejtë nga askush nuk do të jetë e lehtë. Njerëzit…
Shërbimi Meteorologjik Ushtarak bëri të ditur se ditën e premte vendi ynë do të vijojë…
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
This website uses cookies.