Kombëtarja rajonale e moshave/ Shkëmbi: Testuam rreth 130 fëmijë 12 vjeçarë, ka cilësi mes tyre

Rreth 130 futbollistë të moshës 12 vjeçare kanë qënë pjesë e një testimi të organizuar nga sektori teknik i Federatës Shqiptare të Futbollit në bashkëpunim me Shoqatën Rajonale të Futbollit Shkodër me kryetar, Lazër Matija. Ndeshjet e organizuara në fushën e stadiumin “Reshit Rusi” mes grupeve të ndryshme janë ndjekur nga specialistët përkatës që kanë përzgjedhur lojtarët më cilësorë, të cilët do të përbëjnë kombëtaren rajonale të kësaj grupmoshe.Sipas dejtorit teknik të Shoqatës Rajonale të Futbollit Shkodër, Klazër Shkëmbi, specialistët përkatës të ardhur nga Tirana, trajneri i kombëtares U-17 Ardi Behari dhe Drejtori i ri Teknik i Federatës Shqiptare të Futbollit, italiani Fulvio Pea, kanë mbetur të kënaqur nga niveli teknik i futbollistëve të vegjël shkodranë.Gjatë ditëve në vazhdim, pritet një tjetër testim i kësaj natyre, por për grupmosha më të mëdha.