Kombëtarja shqiptare ngjitet 3 pozicione në FIFA, renditet e 62-a
shqiperia mundet ne miqesoren me ukrainen 8
Fitorja ndaj Polonisë dhe barazimi në transfertë me Republikën Çeke kanë ngjitur Kombëtaren shqiptare të futbollit me 3 pozicione në renditjen e FIFA-s.
Tashmë Kombëtarja shqiptare renditet në vendin e 62-të.
Sa i përket kundërshtarëve të Shqipërisë, humbja që pësoi Polonia në “Air Albania” ka pasur një ndikim të madh, që jo vetëm solli shkarkimin e trajnerit Santos, por ekipi polak humbi katër vende në renditjen e FIFA-s, dhe tashmë pozicionohet në vendin e 30-të.
Rivali tjetër i Shqipërisë në Grupin E, Republika Çeke pozicionohet në vendin e 37-të. Ndërsa vijon rënien e lirë Kosova, teksa ka humbur edhe dy pozicione, duke u renditur në vendin e 111.
Nuk ka ndryshime sa i përket ekipit të parë në renditje, teksa kampionia e botës Argjentina renditet në vendin e parë, e ndjekur nga Franca dhe Brazili.
