Komedia “Njohje në internet”, në natën e shtatë të festivalit teatror konkurruan të rinjtë e shkollës “Prenkë Jakova”
Të rinjtë e shkollës “Prenkë Jakova” zgjodhën të përfaqësohen në festivalin teatror për të rinj me një komedi. “Njohje në internet”, shfaqja me regji të aktores së teatrit “Migjeni”, Rajmonda Marku dhe me autor Fadil Kraja erdhi e interpretuar nga nxënësit e shkollës së mesme artistike “Prenkë Jakova”. Muzika dhe humori ishin ndërthurur bukur me njëra-tjetrën.
Për të rinjtë e kësaj shkolle, pjesëmarrja në një event të tillë do të thotë shumë për të ardhmen e tyre.
Festivali teatror për të rinj ka sjellë përgjatë këtyre netëve drama dhe komedi të ndryshme duke argëtuar publikun e pranishëm. Ai po shkon drejt fundit të një tjetër edicioni, ku juria profesioniste do të bëjë edhe vlerësimin e më të mirëve.
