Xhejms Lourens Allkot ka luajtur “Gjermani 2024” plot 10.000 herë në një kompiuter dhe rezultati ka qenë pozitiv për Portugalinë dhe shumë negativ për Shqipërinë.
Në bazë të materialit të bërë publik nga youtuberi i njohur Xhejms Lourens Allkot rezulton se Portugalia ka 14.74% shanseve që të shpallet kampione e Europës. Në vendin e dytë me 11.48% të shanseve për të fituar trofeun renditet Anglia e Herri Kejn ndërsa Franca e Kilian Mbape ka 10.99% të shanseve për të fituar takimin final në Berlin.
Sa i përket Shqipërisë simulimi i bërë nga youtuberi në kompiuter nuk është fort inkurajues për të besuarit e Silvinjos. Kuqezinjtë renditen të parafundit mes 24 skuadrave për shanset e pakëta që kanë për të fituar trofeun.
Kuqezinjtë kanë vetëm 0.13% të shanseve për të mbërritur në finale dhe për ta fituar atë. Shanset për t’i mbijetuar Grupit B, i cili konsiderohet si “grupi ferrit”, për Shqipërinë janë 26.42%. Simulimi tregon se shanset për të kaluar në çerekfinale janë edhe më të vogla, 8.16%. Prezenca e kuqezinjve në gjysmëfinale është edhe më e vogël e konvertuar në përqindje (2.38) ndërsa prekja e finales është 0.63%.
Sipas simulimit të kompiuterit përfaqësuesja, e cila ka më pak shanse të bëjë rrugë të gjatë në Gjermani 2024 është Gjeorgjia (0.03%).
Kuvendi i Shqipërisë organizoi aktivitetin përkujtimor "Parlamentarizmi, Republika, Demokracia". Ky event madhor mblodhi figura të…
Një prej talenteve më të spikatur të Vllaznisë është vënë në radarët e skuadrave të…
Forma e mirë e Balës duket se po ndihmon edhe Vllazninë në garën për fitimin…
Një 35-vjeçar është shpallur në kërkim nga Specialistët e Seksionit për Hetimin e Krimeve Kibernetike …
Kryetari i Bashkisë Shkodër, Benet Beci, ka pritur në një takim falënderimi imzot Angelo Massafra…
Banorët e Fshatit të Ri, në zonën e Postribës, janë në rrezik për shkak të…
This website uses cookies.