orkestra rtsh
Nën tingujt e kompozimit “Retrospektivë – Homazh për Ligetin” të kompozitorit të ri shqipar, Kris Sopiqoti, u çel koncerti i radhës i Orkestrës Simfonike të RadioTelevizionit Shqiptar.
Kjo pjesë kontemporane risolli frymën e muzikës së Ligetit, i njohur si ndër kompozitorët më avangardë të gjysmës së dytë të shekullit të 20-të.
Me mjaft emocione e priti publiku edhe performancën e pianistes ukraino-italiane, Anna Kravtchenko-n, e cila e shoqëruar nga orkestra Simfonike e RTSH-së solli koncertin numër 2 për piano te Frederik Shopanit (o. Frederic Chopin).
“U kënaqa shumë. Kjo është hera e parë për mua në Shqipëri dhe m’u duk një vend i mrekullueshëm. Keni një orkestër shumë të mirë dhe dirigjimi ishte shumë i përpiktë. E shijova,” tha pianistja Anna Kravtchenko.
Programi i këtij koncerti i përzgjedhur me kujdes nga dirigjenti Aurelien Azan Zielinski u mbyll me simfoninë numër 1, “Pranvera” të Robert Shumanit (o. Schuman).
“Koncerti shkoi shumë mirë. Orkestra performoi me shumë energji dhe ndjemë të njëjtën energji edhe nga publiku”.
Një publik i larmishëm e ndoqi koncertin në sallën e Qendrës Kulturore të Kishës Ortodokse, mes tyre artdashës, por edhe muzikantë të rinj.
Dirigjenti Zielienski premton një ndërthurje mes kompozimeve të artistëve shqiptar dhe atyre me famë botërore gjatë gjithë sezonit artistik të orkestrës simfonike të RTSH-së.
Mungesa e energjisë elektrike në fshatrat e njësisë administrative të Dajçit në bashkinë e Shkodrës…
E njohur si një zonë me rendiment mjaft të lartë në bujqësi, kullimi në Berdicë…
Partia Demokratike synon që në zgjedhjet e ardhshme parlamentare të rrisë pjesëmarrjen e gruas në…
Hungaria po mban presidencën e radhës 6-mujore të Bashkimit Europian dhe për Péter Sztáray, ministrin…
Këtë të shtunë, Shkodra u zgjua me mot të mire, por me ulje temperaturash në…
Gjon Shyti, një emër i spikatur sportit shkodran e më gjërë, ishte personazhi kryesor i…
This website uses cookies.