Koncert me muzikë klasike – “Ansambli i flautëve” performoi në hollin e teatrit “Migjeni”

Një mbrëmje me kryeveprat e kompozitorëve botërorë u soll për të pranishmit nga “Ansambli i flautëve” në hollin e Teatrit “Migjeni”.

 Në përbërje të formacionit janë të rinj të talentuar, të udhëhequr nga Rozana Kuka.

Kuka tregon se interesi i të rinjve për muzikën klasike është zbehur kohët e fundit. Përtej kësaj, ata që i përkushtohen studimit të një instrumenti muzikor kanë disa avantazhe.

Publiku ,ndonëse jo i shumtë në numër, shijoi programin e pasur muzikor të këtij Ansambli që do ta vijojë rrugëtimin edhe në qytete të tjera.