Koncert për albumin e parë – Ana Bushgjokaj po përgatitet për recitalin e saj në Teatrin “Migjeni”
Ana Bushgjokaj është një nga zërat e ëmbël të Shkodrës.
Në edicionin e fundit të festivalit “Luleborë”, ajo u shpall fituese me baladën “Nuk lulëzon pa Zot”.
Prej kohësh, ajo po përgatitet për koncertin recital “Himne hiri”, që do të mbahet në datën 18 janar në Teatrin “Migjeni”. Në të, artistja do të promovojë albumin e saj të parë.
Synimi i artistes shkodrane është i qartë edhe për vitin 2025.
Koncerti “Himne hiri”, i artistes Ana Bushgjokaj, do të jetë njëkohësisht i pari i këtij viti në Teatrin “Migjeni”.
Këngëtarja do ta promovojë albumin e saj edhe në kryeqytet më datën 24 janar në Universitetin e Arteve.
