Koncert për festën e Zojës – “Sounds from Shkodra” interpretuan muzikë tradicionale në sallën “Mikel Koliqi”

Në kuadër të aktiviteteve kushtuar festës së Zojës së Shkodrës, Famullia që mban të njëjtin emër organizoi në sallën “Kardinal Mikel Koliqi” koncertin enkas për këtë festë. Arti është një ushqim i shpirtit po aq i rëndësishëm sa edhe besimi ndaj kjo është arsyeja që famullia i mbështet iniciativa të tilla e po ashtu edhe të rinjtë e talentuar, shprehet Dom Vlash Palaj.

I ftuar në këtë mbrëmje muzikore ishte grupi “Sounds from Shkodra”, i përbërë nga shkodranë që jetojnë në Itali. Këta të fundit po zhvillojnë për herë të parë një tur koncertor në Shqipëri.

Në koncertin muzikor u interpretuan disa nga këngët më të bukura shkodrane duke i dhuruar të pranishmëve një atmosferë të veçantë.