Ish-ministri i Shëndetësisë Ilir Beqja do të paraqitet sot në 12:00 në gjykatë për tu njohur me masat e vendosura ndaj tij pas hetimeve për koncesionin e sterilizimit.
Ish-ministri i Shëndetësisë, Ilir Beqaj do të merret në pyetje lidhur me hetimet për koncesionin e sterilizimit. Seanca në Gjykatën e Posaçme do të mbahet mesditën e sotme (20 nëntor), ku ish-ministri po ashtu do të njihet edhe me masat e sigurisë ‘detyrim paraqitjeje’ dhe ‘ndalim dalje jashtë shtetit’.
Nga informacionet paraprake mësohet se seanca do të drejtohet nga gjyqtari i hetimeve paraprake, Erjon Bani pas kërkesës që është bërë nga vetë prokuroria e Posaçme.
Masat e sigurisë për Beqjen u miratuan nga Gjykata e Posaçme më 16 nëntor, bazuar në kërkesën e prokurorisë.
Deri tani nga hetimi i SPAK ai është zyrtari më i lartë nën akuzë për shkeljet e konstatuara me kontratën e partneritetit publik-privat të sterilizimit me vlerë 100 milionë euro, pas arrestimit në gusht të këtij viti të biznesmenit Ilir Rrapaj dhe zëvendësit të tij në Ministrinë e Shëndetësisë, Klodian Rrjepaj.
Hetimet e SPAK kanë zbuluar shkelje në procedurat e dhënies së koncesionit, siç dyshohet me qëllimin e vetëm të shpalljes fitues të kompanive të Ilir Rrapajt dhe shtetasit Italian, Umbro Staçini.
Vendi ynë sot do të ndikohet nga kushte të paqëndrueshme atmosferike. Moti parashikohet i vranët…
Gjatë javës së tij të parë në detyrë, Presidenti Donald Trump nënshkroi 10 urdhra ekzekutivë…
Brenda 12 orëve 3 qytetarë kanë humbur jetën në Shkodër, si pasojë e aksidenteve rrugore.…
Nisur nga interesi publik dhe nevoja për transparencë mbi procesin e zgjedhjes së Drejtorit të…
Me qëllim për të rritur sa më shumë të ardhurat e një lige emergjente siç…
Janë jo larg qendrës së qytetit dhe vuajnë prej vitesh për mungesën e investimeve. Në…
This website uses cookies.