Konferenca e Kryetarëve, miratohet projektmetodologjia e kontrollit post-legjislativ
Në drejtimin e Kryetares së Kuvendit, Elisa Spiropali u zhvillua sot mbledhja e Konferencës së Kryetarëve.
Mbledhja shqyrtoi projektprogramin e punës së Kuvendit për periudhën 14 tetor-22 nëntor 2024 dhe projektkalendarin e punimeve të Kuvendit për periudhën 14 tetor-1 nëntor 2024.
Pas diskutimeve, Konferenca e Kryetarëve miratoi projektkalendarin dhe projektprogramin e punimeve të Kuvendit. Seancat plenare do të zhvillohen në datat 17, 28 dhe 31 tetor 2024.
Gjatë mbledhjes u miratua projektmetodologjia e kontrollit post-legjislativ (PLS).
Në lidhje me RRaportin e monitorimit për periudhën 1 prill- 30 qershor 2024 për masat e parashikuara në Planin e Veprimit të Kuvendit për zbatimin e rekomandimeve të raportit të Komisionit Evropian për Shqipërinë për vitin 2023, kryetarja e Kuvendit, Elisa Spiropali, bëri me dije raportimin periodik dhe realizimin e masave.
