Konferenca Ndëruniversitare mbi Turizmin e Qëndrueshëm – Shkëmbim  i ideve  dhe përvojave mes universiteteve të Shqipërisë dhe Kosovës

“Sfidat dhe Perspektivat e Zhvillimit të Turizmit të Qëndrueshëm” ishte fokusi i konferencës dy ditore nderuniversitare  e organizuar nga Fakulteti Ekonomik i Universitetit “Luigj Gurakuqi” të Shkodrës, me pjesmarrjen e drejtuesve dhe pedagogëve nga disa universitete publike dhe private të Shqipërisë dhe Kosovës.

 Në temat e trajtuara,  fokus i veçantë iu kushtua promovimit të turizmit përmes zbatimit të konceptit të produktit turistik të integruar, që synon bashkimin e resurseve natyrore, historike dhe kulturore për të krijuar një ofertë turistike më tërheqëse dhe konkurruese.

Sipas organizatorëve, kjo konferencë  shërben si një platformë për shkëmbimin e ideve dhe përvojave mes universiteteve dhe institucioneve që veprojnë në fushën e turizmit, duke dhënë kontribute të rëndësishme për hartimin e strategjive të ardhshme të zhvillimit të qëndrueshëm të këtij sektori.