Konfirmohet rasti i parë me fruth në Shkodër, infektohet i mituri

Konfirmohet rasti i parë me fruth në Shkodër. Ky fakt u iu tha RTSH-së nga shefja e epidemiologjisë në këtë qark, Dhurata Hysa.

I infektuar është një fëmijë 4 vjeç, i vaksinuar me dozë të parë. Gjendja e tij shëndetësore është e mirë dhe po monitorohet në kushtet e shtëpisë

Vendi ynë është prekur nga fruthi gjatë kësaj periudhe ku edhe në Shkodër është konfirmuar rasti i parë.  Një fëmijë i moshës 4-vjeç ka rezultuar i prekur me Vruth. Sipas epidemiologes Dhurata Hysa fëmija është i vaksinuar me një dozë.

Sipas saj deri më tani nga kontrollet ky është rasti i parë. Hysa tregon se 4 vjeçari po ndiqet nga mjekët dhe familjarët teksa ndodhet në banesën e tij në një gjendje të mirë shëndetësore.

Vaksina e fruthit aplikohet në moshën 1 dhe 5 vjeç. Aktualisht vaksinimi është kryer në masën 87% për dozën e parë dhe mbi 90 % për dozën e dytë ne rajonin e Shkodrës.