Ish-deputeti socialist Mark Frroku dhe shtatë persona të tjerë janë arrestuar për shkak të një konflikti pronësie te Kepi i Rodonit.
Sipas informacioneve siguruar nga RTSH, Mark Frroku ka qenë i pranishëm në konfliktin për pronën mes banorëve të zonës dhe përfaqësuesve të Kishës Katolike.
Ditën e djeshme Policia bëri me dije se disa prej banorëve të fshatit Shetaj në zonën e Kepit të Rodonit u konfliktuan me përfaqësues të kishës katolike, për shkaqe pronësie.
Sherri mes tyre nisi gjatë kohës kur “përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë”.’
“Në zonën e Kepit të Rodonit, disa banorë të fshatit Shetaj, konkretisht shtetasit B. K., E. R., Y. R. dhe O. R. janë konfliktuar me sende të forta, me përfaqësues të kishës katolike, shtetasit N. S., M. F., M. L. dhe P. D.
Nga veprimet e para hetimore ka rezultuar se konflikti ka nisur gjatë kohës kur përfaqësuesit e kishës katolike po bënin rrethimin e pronës për të cilën kanë certifikatë pronësie. Banorët e zonës nuk i kanë lejuar që të bëjnë këtë rrethim pasi edhe ata kanë një certifikatë pronësie, që pretendojnë se e kanë po për këtë pronë”, thuhej në njoftimin e Policisë së Durrësit.
Pas konfliktit me grushte situata degradoi në përdorimin e sendeve të forta, ndërsa sipas policisë “në vendngjarje është gjetur dhe 1 gëzhojë arme zjarri”.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.