Kryeministri palestinez Mohammad Shtaje u bëri thirrje Kombeve të Bashkuara dhe Bashkimit Evropian që të hedhin ndihma nga ajri në Rripin e Gazës, veçanërisht në veri. Ai akuzoi Izraelin se po kërkon të mbajë të pushtuar sa më gjatë enkalvën me popullsi palestineze.
“Ne bëjmë thirrje për hapjen e korridoreve të ndihmës në Gaza, pa u kufizuar vetëm në vendkalimin e Rafahut” U shpreh ai.
Ndërkohë Ushtria e Izraelit tha se trupat e saj kanë gjetur armë, municione në një kopsht fëmijësh në zonën e Beit Hanoun. Në një deklaratë, IDF shtoi se shkatërruan tunele, struktura civile, ku ishin ruajtur armë, harta e dosje të inteligjencës që i përkisnin Hamasit. Forcat izraelite kanë arritur pranë spitalit më të madh të Gazës. Mijëra njerëz janë larguar nga al-Shifa, por zyrtarët shëndetësorë thanë se pacientët po humbin jetën nga mungesa e energjisë për shkak të luftimeve të ashpra.
Mes thirrjeve të shtuara për një armëpushim ndërsa kriza humanitare në Gaza po thellohet, Izraeli tha se do të hapë një rrugë evakuimi nga spitali Al-Shifa ku civilët mund të largohen drejt jugut.
Ndërsa Shoqata humaitare e Gjysmëhënës së Kuqe palestineze tha se përpjekja për evakuim në spitalin al-Kuds dështoi për shkak të bombardimeve të vazhdueshme. Ndërkohë Organizata e Kombeve të Bashkuara mbajti një minutë heshtje të hënën për të nderuar punonjësit e saj që kanë humbur jetën në Gaza.
Flamujt u ulën në gjysmështizë në selinë e OKB-së në Nju Jork, Gjenevë dhe vende të tjera ku operojnë zyra të saj në nderim të 101 punonjësve të agjencisë për refugjatët palestinezë të vrarë që nga nisja e luftës mes Izraelit dhe Hamasit. Sipas raportimeve nga dy palët, mbi 11 mijë persona janë vrarë në Gaza dhe rreth 1200 të tjerë në Izrael.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.