Senati Akademik i Universitetit “Luigj Gurakuqi”, i dalë nga zgjedhjet e 21 qershorit, ka zhvilluar sot mbledhjen e parë të konstituimit.
Mbledhja është drejtuar nga kryetari i Senatit Akademik, Prof. Dr. Tonin Gjuraj, rektor i këtij universiteti. Në hapje të mbledhjes, Gjuraj ka vënë theksin tek parimi i transparencës me mediat e qytetarët, që nga dita e parë e nisjes së punës së senatit të ri akademik.
Gjatë fjalës së tij, Gjuraj ka vënë theksin në implementimin e platformës së tij të prezantuar gjatë zgjedhjeve në universitet, por duke kërkuar vëmendje të shtuar në procesin e regjistrimeve,i cili vijon akoma.
Sipas agjendës së prezantuar, Senati Akademik ka zgjedhur sekretaren e tij, Fatbardha Osmanaga, e cila mori 19 vota të anëtarëve të Senatit.
Në vijim, është votuar për zëvendësrektorin, ku rektori Gjuraj propozoi emrin e Prof. Dr. Blerta Dragusha. Kandidatura e saj mori 18 vota pro dhe një kundër. Prof. Dr. Blerta Dragusha, është pedagoge e Fakultetit Ekonomik, të cilin e ka drejtuar për 8 vite si dekane.
Senati Akademik i Universitetit të Shkodrës ka 21 anëtarë, përfshirë edhe rektorin Gjuraj. Pjesë e tij, janë edhe dy përfaqësues të studentëve.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.