Kryediplomati i Bashkimit Evropian, Xhosep Borrel (o. Josep Borrell) është i shqetësuar se procesi i normalizimit të raporteve mes Kosovës dhe Serbisë është në ngërç.
Z. Borrel u shpreh të enjten pas takimeve të ndara që zhvilluan krerët evropianë me kryeministrin e Kosovës, Albin Kurti, dhe me presidentin e Serbisë, Aleksandar Vuçiq.
Palët nuk ishin të gatshme të pajtohen për marrëveshjen bazë.
“Ka një pengesë të madhe që është krijimi i Asociacionit të komunave me shumicë serbe në veri të Kosovës. Dhe në mënyrë që të ndihmojnë të dy palët të arrijnë një marrëveshje, ne të gjithë së bashku, paraqitëm një propozim të ri serioz dhe të ekuilibruar evropian për krijimin e Asociacioni Komunash dhe këmbëngulëm që palët të marrin këtë rast, që do të ishte një hap i madh përpara në procesin e normalizimit dhe për të shmangur spiralet e reja të dhunës.
Por për fat të keq, palët nuk ishin të gatshme të pajtoheshin për këtë pa parakushte, të cilat ishin të papranueshme nga pala tjetër. Në fund, ne kërkojmë që palët të përfshihen sinqerisht në procesin e normalizimit. Kjo mund të bëhet vetëm në kuadrin e Dialogut, sepse është mënyra e vetme që ata të përparojnë në rrugën e tyre evropiane,” tha shefi i diplomacisë evropiane.
BE-ja do të vazhdojë të këmbëngulë për të arritur një marrëveshje mes palëve, shtoi z. Borrel.
Qeveria e Kosovës akuzoi në mbrëmje Serbinë se refuzoi të nënshkruajë marrëveshjen dhe draftin për normalizimin e marrëdhënieve dypalëshe.
Ministrja e Jashtme, Donilka Gërvalla, i bëri thirrje BE-së ta sanksionojë Serbinë për aktin e agresionit të 24 shtatorit në Banjskë dhe se “çdo vonesë do të shërbejë vetëm për të nxitur përshkallëzimin e mëtejshëm”.
Presidenti Vuçiq tha se Serbia ishte e gatshme të pranojë propozimin që u dha në tryezë, por nuk e pranon anëtarësimin e Kosovës në Kombet e Bashkuara dhe të njohë Kosovën e pavarur.
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
Ministri i Ekonomisë, Kulturës dhe Inovacionit Blendi Gonxhja, priti në një takim pune ambasadoren e…
This website uses cookies.