Krasitja e pemëve dekorative në Shkodër / Qytetarët kërkojnë të ndërhyhet në unazën perëndimore
krasitja e pemeve dekorative
Pemët dekorative të vendosura në unazën perëndimore të qytetit të Shkodrës janë kthyer në shqetësim për banorët që jetojnë pranë kësaj zone, pasi janë të pa krasitura prej shumë kohësh
Banorët thonë se shpesh hërë këto pemë janë kthyer në rrezik për ta, pasi në ditët më stuhi ere ato janë thyer dhe kanë dëmtuar shume makina të parkuara pranë tyre.Gjithashtu, rrënjët e pemeve të dala në sipërfaqe kanë dëmtuar edhe trotuaret.
Ndërkohë, pak ditë më parë , Ndërmarrja e Shërbimeve Publike në Bashkinë e Shkodrës ka nisur punën për krasitjen e pemëve në rrugën “ Isuf Sokoli”, ndërsa kjo ndërhyrje do të shtrihet edhe në rrugë të tjera të qytetit, sipas planit të planifikuar nga Bashkia.
Bashkia Shkodër njofton se janari do të jetë edhe muaji i mbjelljes së pemëve për shtimin e sipërfaqeve të gjelbërta në qytet.
