Kremlini: Rusia dhe Koreja e Veriut do zgjerojnë fushat e bashkëpunimit

Kremlini ka bërë të ditur se Rusia dëshiron të zgjerojë lidhjet me Korenë e Veriut në të gjitha fushat e mundshme.

Zëdhënësi Dmitri Peskov në një konferencë me gazetarët, duke folur në lidhje me vizitën e javës së kaluar të liderit të Koresë së Veriut Kim Jong Un në Lindjen e Largët të Rusisë, ku ai zhvilloi bisedime me presidentin Vladimir Putin, theksoi se Moska mund të zgjerojë fushën e bashkëpunimit.

Në takimin e fundit midis Vladimir Putin dhe Kim Jong Un, ky i fundit u zotua për mbështetjen e tij të plotë ndaj Putinit dhe ishte në një mendje me veprimet e Rusisë në Ukrainë.

Koreja e Veriut është një nga vendet e pakta që mbështet publikisht Rusinë në pushtimin dhe luftën e saj në Ukrainë.

Ndërkaq Kim ka deklaruar se ai e konsideron këtë luftë një përpjekje të drejtë. Sipas tij, Koreja e Veriut është e gatshme të qëndrojë me Rusinë kundër imperializmit, sicc e ka cilësuar ai Perëndimin.