Kreu i PD, Basha: Në një kohë trazirash, hapja e bazës së Kuçovës është një lajm i mirë për Shqipërinë dhe rajonin

Hapja e bazës së Kuçovës është përshëndetur edhe nga kryetari i PD-së, Lulzim Basha. Nëpërmjet një postimi në rrjetet sociale, Basha   shkruan se, në një kohë trazirash, hapja e bazës ajrore të Kuçovës është një lajm i mirë për sigurinë e vendit dhe të gjithë rajonit tone.

“Anëtarësimi i Shqipërisë në NATO 15 vjet më parë ishte një nga arritjet më të mëdha të shqiptarëve. Sot falë mbështetjes së Aleancës më të madhe të sigurisë u hap baza ajrore e NATO-s në Kuçovë. Ky është një lajm i mirë jo vetëm për Shqipërinë, por për sigurinë e të gjithë rajonit në një kohe të trazuar dhe të kërcënuar nga përpjekjet e Rusisë për të krijuar vatra te reja konflikti në Ballkanin Perëndimor. Mirënjohje NATO-s, SHBA, Turqisë, Italisë, Gjermanisë, Britanisë së Madhe  dhe aleatëve të tjerë për ndihmën dhe mbështetjen për paqe dhe siguri në Ballkanin Perëndimor”, shkruan Basha në rrjete sociale.