Krijimtaria e “Poetit të Mjerimit” – Gjimnazi “Jordan Misja”, aktivitet kushtuar Migjenit në 113-vjetorin e lindjes
Në kuadrin e tetorit ose “muajit të letërsisë” siç njihet ndryshe u organizua në Gjimnazin “Jordan Misja”, në bashkëpunim me Bashkinë Shkodër dhe Qendrën për Hapje dhe Dialog (COD) aktiviteti “N’emën t’andrrës migjeniane…” kushtuar “poetit të mjerimit” në 113-vjetorin e lindjes.
“Këngët e pakënduara” dhe pjesë të tjera nga krijimtaria e tij u risollën përmes interpretimeve emocionuese të aktorëve shkodranë.
Letërsia i përket çdo periudhe të vitit, por tetori vjen si një “ftesë” për të reflektuar më shumë lidhur me të.
Të rinjtë e Gjimnazit “Jordan Misja” përfaqësojnë përherë një model të mirë të raportit me letërsinë.
Përgjatë këtij muaji, në Shkodër pritet të organizohen veprimtari të shumta kushtuar letërsisë.
