Krishtlindja kremtohet edhe në Lezhë / Qindra besimtarë i bashkohen ritualit fetar në katedralen e Shën Nikollit

Krishtlindja u kremtua edhe në Lezhë.Qindra besimtarë katolikë ju bashkuan ritualit fetar të lindjes së Jezu Krishtit në katedralen e Shën Nikolli, ndërsa mesha e shenjtë e mbrëmjes të së dieles u drejtua nga ipeshkvi i dioqezes së Lezhës, Monsinjor Otavio Vitale.

Në fjalën e tij para besimtarëve, ipeshkvi Vitale foli për rëndësinë që ka krishtlindja, duke vënë theksin tek paqja ne Ukrainë dhe Izrael vende të cilët ndodhen në luftë prej disa kohësh.

Mesha e e shenjtë e krishlindjes në Lezhë zgjati deri në mesnate e më  pas besimtarët u shpërndanë duke uruar njëri-tjetrin për më shumë paqe e begati.

Ajo çfare u vu re këtë vit ishte prezenca e lartë e qytetareve në kishë dhe jashtë saj të cilët ndjekin ritualin fetarar, ndërsa për të shmangur kaosin rruga përballë katedrales u bllokua nga policia.