Krizë e re humanitare-Lufta në Gazë dhe Liban detyron mijëra njerëz të ikin drejt Sirisë

Këshilli Norvegjez për Refugjatët ka bërë të ditur se lufta Izrael-Hezbollah po detyron dhjetëra mijëra njerëz të ikin nga Libani,  drejt Sirisë.

“Tani po shikojmë krizën e tretë humanitare që po shfaqet në rajon në vetëm 12 muaj, mes një sfondi sfidash të shumta të vazhdueshme”, tha Angelita Caredda, drejtoresha rajonale e OJQ-së për Lindjen e Mesme dhe Afrikën e Veriut.

Më shumë se 276 mijë libanezë dhe sirianë që jetojnë në Liban kanë ikur në Siri, sipas NRC, duke përfshirë fëmijë.

Shumë refugjatë që dikur u larguan nga Siria për të kërkuar siguri, tani janë detyruar të kthehen në shtëpi, ku një krizë ekzistuese humanitare ka të ngjarë të përshkallëzohet.

Përpara luftës në Liban, varfëria dhe vuajtja ishin të shfrenuara në Siri, një vend i trazuar nga lufta civile që nga viti 2011. Më shumë se 90% e popullsisë jetonte nën kufirin e varfërisë, sipas OKB-së.

Sipas kreut, tre në çdo katër njerëz në Siri kishin nevojë për ndihmë për të shpëtuar jetën në maj të këtij viti-numri më i lartë që nga fillimi i luftës civile.

 “Siria është tashmë në gjunjë pas 13 vitesh konflikt. Zhvendosja masive nga Libani vjen në një kohë kur përgjigja e ndihmës tashmë nuk mund të mbajë ritmin me nevojat ekzistuese. Mijëra familje që kalojnë në Siri do të luftojnë për të gjetur një vend të sigurt për të qëndruar ose gjërat elementare që u duhen fëmijëve të tyre. Kjo është një krizë brenda krizave të shumta”, tha Caredda.