Kroaci-Shqipëri, tifozët ndezin sfidën me një miqësore
Shqipëria do të sfidojë Kroacinë nesër në orën 15:00 në Hamburg në sfidën e dytë të Grupit B. Kjo është përballja e parë direkte mes dy skuadrave, që kanë nisur me humbje Euro 2024.
Për të bërë më të bukur atmosferën në prag të kësaj ndeshjeje të rëndësishme mendojnë tifozët e dy kombëtareve, që kanë vendosur të zhvillojnë një ndeshje miqësore sot në Hamburg.
“Të dashur sportdashës. Ashtu siç e kemi bërë traditë tashmë, ju njoftojmë që sonte, Tifozat Kuq e Zi do të zhvillojnë një ndeshje miqësore me Tifozat e Kroacisë. JENI TE GJITHË TË MIRËPRITUR TË VINI E TË NA MBËSHTESNI! Ceremonia para ndeshjes —> 19:00. Fillimi i ndeshjes —> 19:30. Hyrja falas!”, shkruhet në njoftimin e Tifozat Kuq e Zi.
