Kroacia është përfshirë në Grupin B të Euro 2024, së bashku me Italinë, Spanjën dhe Shqipërinë. Një grup shumë i vështirë, me të cilin skuadra e Dalic do të përballet pa frikë, duke shfrytëzuar edhe përvojën e shumë lojtarëve që njohin mirë futbollin italian dhe spanjoll.
Mes tyre është edhe Marko Pjaca, i cili foli sot në konferencën për shtyp: “Të them të drejtën nuk e prisja të kthehesha kaq shpejt në kombëtare, edhe nëse synimi im ishte të shkoja në Kampionatin Evropian. Jam shumë i lumtur që ia dola, nuk pata asnjë problem dhe shpresoj të jem në nivelin tim maksimal”.
Ish-lojtari i Juves, Fiorentinës, Torinos, Genoas dhe Empolit luajti 31 ndeshje këtë sezon për Rijekën, duke shënuar 7 gola dhe 5 asistime. Një rikuperim i rëndësishëm, si ai i Ivan Perisic, i cili pësoi një dëmtim të rëndë në shtator, por u rikthye në kohë rekord: “Rikthimi i Perisic është një lajm i madh. Edhe unë i kam përjetuar këto momente dhe nuk është e lehtë, as fizikisht dhe as mendërisht ai më bëri vërtet përshtypje, nuk mund ta besoj se ai u kthye në formë kaq shpejt”.
Të besuarit e trajnerit Dalic:
Portierë: Livakovic, Ivusic, Labrovic.
Mbrojtësa: Vida, Juranovic, Gvardiol, Sosa, Stanisic, Sutalo, Erlic, Pongracic.
Mesfushorë: Modric, Kovacic, Brozovic, Mario Pasalic, Vlasic, Majer, Ivanusek, Sucic, Baturina.
Sulmuesa: Perisic, Kramaric, Petkovic, Pjaca, Budimir, Marco Pasalic.
Pas përfundimit të ndeshjeve të grupeve të UEFA Nations League, janë ndarë vazot për shortin…
“Libra të një kohe tjetër” është ekspozita me karakter historik, organizuar nga Biblioteka “Marin Barleti”…
Sekretari i Përgjithshëm i Partisë së Lirisë, Tedi Blushi, ka zhvilluar një takim me strukturat…
Xhubleta, kjo veshje që dikur shtrihej në pellgun e Mesdheut, sot ndodhet e ruajtur dhe…
Qendra muzeore “Ndre Mjeda” në bashkëpunim me Fakultetin e Shkencave Shoqërore të UNISHK, Bashkinë Vau-Dejës…
Mungesa e energjisë elektrike në fshatrat e njësisë administrative të Dajçit në bashkinë e Shkodrës…
This website uses cookies.