Aktualitet

Kryepeshkopi Joan mban në gjuhën shqipe liturgjinë e parë pas Fronëzimit

Kryepeshkopi i Tiranës, Durrësit dhe gjithë Shqipërisë, Joan Pelushi, ka mbajtur liturgjinë e tij të parë në krye të Kishës Ortodokse Autoqefale Shqiptare pas caktimit të tij në këtë detyrë. Shërbesa, e cila u zhvillua në gjuhën shqipe, u mbajt në Katedralen “Ngjallja e Krishtit” në Tiranë, një ditë pas ceremonisë së Fronëzimit të tij si kryepeshkop.

Gjatë fjalës së tij, Kryepeshkopi Joan theksoi se forcimi i unitetit brenda Kishës është një nevojë e domosdoshme për të arritur qëllimet e saj. Ai kujtoi periudhën e vështirë të diktaturës komuniste, ku, sipas tij, muret e jashtme të kishave u shkatërruan, por besimi i popullit shqiptar mbeti i pandryshuar.

“Falenderojmë dhe nderojmë martirët e lirisë që përhapën dritën e besimit në trevat ku jetojmë, një listë e gjatë të cilën do ta kujtojmë me nderim e mirënjohje. Gjatë gjysmës së dytë të shekullit XX kisha u përball me persekutimin e egër komunist. Diktatura shkatërroi muret e jashtme të kishave, por nuk mundi të shkatërrojë zemrat e besimit”, tha ai.

Ceremonia u ndoq nga qindra besimtarë të pranishëm në Katedralen “Ngjallja e Krishtit”, ku u manifestua një atmosferë e ngrohtë e besimit dhe shprehur nderimi për udhëheqësin e ri të Kishës Ortodokse Shqiptare.

Një ditë më parë u zhvillua ceremonia e Fronëzimit të kryepeshkopit Joan si drejtuesi i ri i Kishës Ortodokse Autoqefale të Shqipërisë, pasardhësi i kryepeshkopit të ndjerë Anastas Janullatos.

AddThis Website Tools
Blerti Delija

Recent Posts

Sekreti i përgatitjes së llokumeve të shtëpisë

Përbërësit 25 g sheqerpluhur 100 g niseshte misri (e ndarë në: 25 g + 75…

28 minutes ago

Dita Ndërkombëtare për Zero Mbetje

Në dhjetor të vitit 2022, Asambleja e Përgjithshme e Kombeve të Bashkuara shpalli 30 marsin…

49 minutes ago

Bangkok – Numri i të vdekurve nga tërmeti arrin në 17, dhjetëra të zhdukur

Numri i të vdekurve në Bangkok pas tërmetit me magnitudë 7,7 ballë që goditi të…

52 minutes ago

Rama ndan videon me personazhet e animuara të politikës: Për bufin dhe shokët e tij

 Kryeministri Edi Rama ndau sot në rrjetet sociale një video të animuar me personazhe të…

56 minutes ago

Deklarata shokuese e Brigitte Bardot pas vdekjes së Alen Delon

Viktimë e një krize të frymëmarrjes dy vite më parë, aktorja franceze Brigitte Bardot është…

2 hours ago

Rikthehet ora verore, akrepat shkuan 60 minuta para

Në orën 02:00 të mëngjesit të 30 marsit, akrepat lëvizën 60 minuta përpara, duke rikthyer…

2 hours ago