Kubikë me fara dhe fidanë kanabisi, bie në pranga 38-vjeçari nga Shkodra, një tjetër në kërkim

Si rezultat i një operacioni të mirëorganizuar në territorin e Velipojës u gjetën dhe u sekuestruan në cilësinë e provës materiale, 37 336 kubikë me fara dhe fidanë të dyshuar narkotikë cannabis sativa, 1 automjet, 1 traktor dhe sende që i shërbenin kësaj veprimtarie kriminale.Në kuadër të operacionit ‘Luarza1’ dhe masave të ndërmarra nga policia me qëllim parandalimin e kultivimit të bimëve narkotike që në fazë fillestare, u arrestua si autor i dyshuar i kultivimit të kubikëve më kanabis Naser Lohja 38-vjeç dhe u shpall në kërkim Pëllumb Lohja 48-vjeç.Vijon puna për kapjen e 48-vjeçarit, si dhe për identifikimin dhe nxjerrjen përpara përgjegjësisë penale të shtetasve të tjerë që mund të jenë implikuar në këtë rast. Zbulimi i parcelave me kubikë me kanabis u krye nga pamjet e filmuara me dron, ndërsa siç shihet njëri nga personat po kujdeset për bimët narkotike.Policia njofton se materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.