Kulla e inglizit bëhet me orë – Bashkia Shkodër rikthen funksional Sahatin e Inglizit
Bashkia Shkodër ka rikthyer edhe njëherë tjetër në qendër të vëmendjes Sahatin e Inglizit.
Me inisiativë të kryetarit të Bashkisë Shkodër, Benet Bec,i në kullën e Inglizit, në qendër të qytetit, është vendosur ora simbolike e këtij objekti të trashëgimisë kulturore.
Për specialistin e Monumenteve të Kulturës në Bashkinë Shkodër, Petrit Bilali, vendosja e orës aty ku i takon është një inisiativë për t’i kthyer këtij objekti rëndësinë që ka për qytetin.
Qytetarët vlerësojnë vendosjen e një tjetër sahati në Shkodër.
Kulla apo Sahati i Inglizit, siç njihet gjerësisht, ku në periudhën e regjimit komunist qe vendosur Muzeu Historik i Shkodrës, është një ndërtesë me pamjen e një kështjelle të periudhës së aristokracisë mesjetare në Evropë, e ndërtuar nga lordi anglez Paget, në çerekun e fundit të shek. XIX.
