kulla1
Një ndër kullat më të veçanta në luginën ku ngrihet fshati Theth është ajo e Lulash Keq Boshit, ndërtuar në majë të një shkëmbi të thepisur, 9 metër të lartë e lidhur me shkëmbin në mënyrë organike dhe funksionale.
Kulla ka një shtrirje horizontale dhe zë një sipërfaqe prej 87 m². Në fasadën e veri-perëndimore kalohet në katin përdhes ku strehohej bagëtia. Në ambientin e katit të parë është dyshemeja e poshtme, ku futesh në kullë nëpërmjet disa shkallëve prej guri. Në pjesën e sipërme del në fasadë frëngjia e realizuar mirë nga ana funksionale dhe arkitektonike.
Frëngjia është një ndërtim solid punuar me gurë të gdhendur e dalë jashtë nga muret e kullës. Në katin e dytë, krahas dyshemesë ku është vatra dhe jetonte familja ndodhet edhe dhoma e miqve e cila është më e ngritur nga dyshemeja ku banon familja.
Element i veçantë i dhomës së miqve është fakti se kjo dhomë është me oxhak, me tavan dërrase e trajtuar me mjaft përkujdesje që shpreh traditën e shqiptarëve për të përgatitur më të mirën për mikun.
Kjo banesë mban statusin monument kulture, kategoria l-rë, shpallur në vitin 1987. Kohë kur dhe u kthye në Muze Etnografik i Dukagjinit.
Kreu i grupit të Partisë Demokratike, Gazment Bardhi është paditur për shpifja nga ish-drejtori i…
Sot ajo që njihet si shkalla e parë e kontrollit të gjyqtarëve dhe prokurorëve në…
Kryeministri i Izraelit, Benjamin Netanjahu, ish-ministri i Mbrojtjes, Joav Galant dhe lideri i Hamasit, Mohamed…
Kreu i Prokurorisë së Posaçme (SPAK), Altin Dumani do të jetë mbrëmjen e së premtes…
Veprimtaria e Ceremonisë së Diplomimit të Universitetit “Luigj Gurakuqi” vijoi traditën e organizimit edhe këtë…
Fundvjeshta solli prurje të reja artistike në Shkodër. 15 artistë të qytetit si: Adnan Kastrati,…
This website uses cookies.