“Kulla s’ asht cool”, zhvillohet në Shkodër protesta kundër ndërtimit të Hotel Rozafa Tower

Shoqëria civile ka organizuar një protestë kundër ndërtimit të “Hotel Rozafa  Tower “, duke e konsideruar si fillimi i betonizimit të qytetit të Shkodrës.

Me banderola dhe parrulla në duar , protestuesit kanë  shprehur reagimin e tyre përgjatë Pijacës si dhe para Bashkisë .

Protestës i janë bashkuar dhe  këshilltarë të djathtë bashkiakë , deputetë , si dhe aktivistë të Lëvizjes për Mbrojtjen e Teatrit Kombëtar nga Tirana.

Gjatë protestës u kundërshtua ndërtimi i godinës shumëkatëshe në qendër të qytetit , si dhe u dhanë arsyet për ndalimin e këtij ndërtimi.

Në fund të protestës , organizatorët vendosën parullat dhe banderolat në hyrje të ndërtesës së Bashkisë , ndërkohë që premtuan vijimin e reagimit të tyre deri në ndalimin e ndërtimit  nga “Rozafa Group”.