Kultivim kanabisi në “kushte shtëpie”/Policia arreston 31-vjeçarin nga Shkodra i akuzuar në këtë veprimtari kriminale

Në kuadër të operacionit të koduar “Bërdica” i zhvilluar në vitin 2022 për goditjen e një rasti të kultivimit të kanabisit, me anë të llambave, policia ka arrestuar një 31-vjeçar nga Shkodra, i akuzuar si bashkëpunëtor në këtë veprimtari kriminale. Më kapjen e tij policia thotë se ka shkuar  në 9 numri i shtetasve të vënë në pranga për këtë operacion (5 prej të cilëve punonjës të OSHEE-së). Gjatë operacionit, në banesën që ishte ishte përshtatur për kultivimin e bimëve narkotike, janë gjetur dhe sekuestruar 1200 fidanë dhe 730 bimë narkotike, pajisje të ndryshme elektrike për kultivimin e tyre, 1 armë zjarri dhe municion luftarak. Gjykata e Shkallës së Parë e Juridiksionit të Përgjithshëm Shkodër i ka caktuar 31-vjeçarit, masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.  Ky shtetas akuzohet se ka bashkëpunuar me 3 shtetas të arrestuar në flagrancë, gjatë operacionit, për të përshtatur katin e dytë të një banese trekatëshe në fshatin Bërdicë, për kultivimin e bimëve narkotike cannabis sativa, me pajisje elektrike. Në kuadër të operacionit, Policia arrestoi edhe 5 punonjës të OSHEE-së, për veprën penale “Shpërdorimi i detyrës”.