Ministrja e Turizmit dhe Mjedisit, Mirela Kumbaro ka deklaruar se Shqipëria është në krye të klasifikimeve për flukset turistike dhe të ardhurave nga turizmi.
Deklaratën e saj zonja Kumbaro e ka bërë ndërsa po merr pjesë në sesionin e 25-të të Asamblesë së Përgjithshme të Organizatës Botërore të Turizmit të Kombeve të Bashkuara (UNWTO), që zhvillohet nga 16-20 tetor në Samarkand të Uzbekistanit.
Në një postim në rrjetet sociale Kumbaro shkruan se “Asambleja e Përgjithshme e Organizatës Botërore të Turizmit është ngjarja më e rëndësishme e UNWTO, duke e gjetur Shqipërinë në krye të klasifikimeve për flukset turistike, të parën në Evropë me 56 % më shumë krahasuar me vitin 2019 dhe të tretën në botë për rritjen e të ardhurave nga turizmi me 77 % më shumë krahasuar me periudhën e parapandemisë”.
Zonja Kumbaro tha se Shqipëria do të “vazhdojë bashkëpunimin e shkëlqyer me UNWTO duke përgatitur evente të përbashkëta, me shumë pasion dhe përkushtim me stafin e Ministrisë së Turizmit dhe Mjedisit, që shërbejnë si ftesa më e mirë për të shijuar Shqipërinë Turistike”.
Zgjedhja e qytetit antik të Samarkandit për mbajtjen e Sesionit të 25-të të Asamblesë së Përgjithshme të Organizatës Botërore të Turizmit (UNëTO) është bërë për të njohur botën me potencialin kulturor, turistik, investues dhe intelektual të Uzbekistanit.
Ndër të tjera Forumi i Investimeve do të prezantojë objektet, rajonet dhe projektet me potencial të lartë investimi në të gjitha rajonet e Uzbekistanit për investitorët e huaj të mëdhenj.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.