Kupa e Kombeve të Afrikës, ja sa përfitojnë skuadrat

Po afrohet gjithnjë e më shumë fillimi i edicionit të ri të Kupës së Kombeve të Afrikës, ku do të shfaqen shumë lojtarë që luajnë aktualisht në kampionate të njohura. Çmimi final i turneut po rritet gjithashtu me 40%, siç konfirmohet nga CAF ( Konfederata e Afrikës së Futbollit). Një arsye më shumë për të marrë pjesë në garën kontinentale dhe për të dalë mirë para syve vigjilentë të ekspertëve.

Krahasuar me edicionin e vitit 2022, ku triumfoi Senegali i Kalidou Koulibaly dhe Sadio Mané, vlera e çmimit final të Kupës së Kombeve të Afrikës do të rritet me 40%, duke arritur në gati 7 milionë dollarë, që është ekuivalente me 6,4 milionë euro. Një shumë rekord, e cila do të lejojë edhe federatat që i afrohen fitores të mbledhin një thesar të rëndësishëm.

Lajm i mirë edhe për kombëtaret që do të ngjiten në shkallët e poshtme të podiumit. Çmimi maxi i dhënë për ekipin fitues të Kupës së Kombeve të Afrikës nuk është nota e vetme pozitive e këtij edicioni. Në fakt, kushdo që humbet në finale do të fitojë 4 milionë dollarë, ndërsa ata që marrin pjesë në “finalen” e vendit të tretë-katërt do të fitojnë deri në 2.5 milionë secili.