Kupa e Kombit në Paragliding – Shkodra mikpret për herë të parë eventin e rrallë sportiv
Sportet e ajrit janë në praktikë e re në vendin tonë. Megjithatë, janë të shumtë ata që i tërheq fluturimi mbi sipërfaqen e tokës, qoftë në Shqipëri, ashtu edhe në Kosovë.
Pikërisht këta pasionantë i dhanë jetë Kupës së Kombit në Paragliding, e cila u zhvillua në Shkodër.
Eventi ka tërhequr edhe vëmendjen e kryeministrit Rama dhe kryebashkiakut Beci, të cilët kanë publikuar video nga eventi.
Në një publik të tij, shefi i qeverisë mes të tjerave, e konsideron Kupën e Kombit në Paragliding si një një nga garat më të rëndësishme në Shqipëri dhe Kosovë, që solli pilotë nga rajoni dhe më gjerë në edicionin e saj të parë.
Ndërkohë, kryebashkiaku Beci thotë se në Shkodër u mbajt për herë të parë Kupa e Kombit në Paragliding!
Sportistë nga i gjithë rajoni gjetën mikpritjen shkodrane në këtë event të parë që synon të kthehet në traditë.
