Kupa e Shqipërisë në basketboll / Vllaznia-Teuta, dy përballjet çerekfinale, për femra dhe meshkuj

Veprimtaria e dytë e basketbollit, Kupa e Shqipërisë, nis këtë javë rrugëtimin e këtij sezoni, teksa nga e mërkura deri në dielën do të zhvillohen ndeshjet e fazës paraeliminatore për të vijuar më pas me ndeshjet çerekfinale. Duke qenë se në Kampionatin e meshkujve të këtij sezoni, që zhvillohet me një kategori të vetme me 11 ekipe,  7 prej tyre, që u renditën në mbyllje të fazës së parë nga vendi i parë në të 7-tin, kualifikohen automatikisht për në çerekfinale. Mes këtyre skuadrave është edhe Vllaznia, së bashku me Besëlidhjen, Kamza Basket, Tirana, Teuta, Apolonia dhe Flamurtari. Ndërsa 4 ekipet që u renditën nga vendi i 8-të, në të 11-tin, zhvillojnë midis tyre një fazë paraeliminatore, për të përcaktuar se cila do të jetë skuadra që merr biletën e fundit për në çerekfinale të Kupës së Shqipërisë. Kështu, të mërkurën, më 10 janar 2024, luhen dy gjysmëfinalet e kësaj faze, aty ku Elbasani i vendit të 8-të përballet me Skënderbeun e vendit të fundit, ndërsa duke nisur nga ora 18:30, Partizani i vendit të 9-të përballet me Fieri Basketin e vendit të 10-të, në ndeshjen që do të luhet në Pallatin e Sportit “Asllan Rusi” në kryeqytet. Dueli që do të përcaktojë se cila skuadër do të shkojë në çerekfinale, do të luhet në fushën e skuadrës që do të dalë fituese në duelin Elbasani-Skënderbeu. Ndërkohë, sa i takon ekipeve të kualifikuara direkt në çerekfinale, shorti ka vënë Vllazninë përballë ekipit të Teutës së Durrësit. Ndeshja në fjalë është programuar të luhe tpasditen e së dielës në pallatin e sportit “Qazim Dervishi” të Shkodrës duke filluar nga ora 17:00. Një sfidë kjo shumë e rëndësishme për kuqeblutë e drejtuar nga trajneri Damian Bekteshi, të cilët po përgatiten intensivisht për ka kaluar me skuadres këtë tur. Ndërkohë, edhe në konkurimin e kategorisë së fermrave, Vllaznia e drejtuar nga trajneri Bledar Gjeçaj, do të luajë direkt në turin çerekfinal, dhe, ashtu si edhe meshkujt, përballë do të ketë ekipin e Teutës së Durrësit. Në kalendarit të Federatës Shqiptare të Basketbollit, ndeshja, Vllanzia-Teuta në basketboll për femra, do të luhet pasditen e së shtunës së 13 janarit në pallatin e sportit, “Qazim Dervishi” duke nisur nga ora 16:00.