Kupa e Shqipërisë në RTSH, gjysmëfinalet premtojnë spektakël
Nuk ka pushim në futbollin shqiptar dhe pas kampionatit skenën e rrëmben Kupa e Shqipërisë. Do të luhen këtë mesjavë ndeshjet e para gjysmëfinale të kompeticionit të dytë më të rëndësishëm në vend.
Të mërkurën në 2 prill, në orën 19:00 në “Loro Boriçi”, Vllaznia do të përballet me Dinamon, në një sfidë që premton spektakël. Ndërsa të enjten në 3 prill, në Rrogozhinë luhet akti i parë i përballjes Egnatia-Partizani, që vlen një vend në finalen e këtij edicioni të Kupës së Shqipërisë.
Të dyja këto ndeshje do të vijnë drejtpërdrejt për shikuesit në rrjetin e Radio Televizionit Shqiptar.
